هي دي مصر إللي باقية بالغريزة

دوقينا ياعزيزة حتة من مصر العزيزة

إللي تبقى وهي شايفة عاملة خايفة بالغريزة

هي دي مصر اللذيذة

دوقينا بالأمارة لما يمشوا الناس حيارى

والوطن يسكن عمارة

والعمارة تبقى حارة

والحواري ياما فيها ..

 واللي فيها مش كافيها

بس لما الوعد يحكم 

يجي عاليها في واطيها

هي دي مصر إللي باقية بالغريزة ياعزيزة
...

روح يا زمان وتعال كمان
ونفض  جناحك عليك الامان

وعد الليالي اللى ولت بعيد

وشوف كام صباح اتولد من جديد
...

وكام زهرة دبلت
وكام مهرة ولدت
وكام عمر رايح وكام عمر جاى
...

 روح يا زمان وتعال كمان

...

كام زرع ميت.. وكام زرع حى

ولسة المكان هو نفس المكان
...

ولسة البشر غابة خلف البيبــــــــان

غريب يا امان في هذا الزمان

لان البشر في الزمان ده غيلان

لان البشر في الزمان ده غيلان

----

كلمات الشاعر أحمد فؤاد نجم