قال البحر

 آه من هدير البحر لما يزوم 

آه من فحيح الريح لما تقوم

يوم بعد يوم طير البصير بيحوم

 والدنيا ماشية فى طريق مرسوم

الشمس حامية ورامية الناس فى سكتها

وقلوبنا تبكى وأحلامنا تسكتها

ياما بيبان مقفولين تفتحها احلامنا

ياما بيبان الإيدين الطايشه سكتها 

الموجة دايمة ورامية الخلق فى التوهة

لو سابوا ايد بعض ضاعوا فى سكة معتوهة

ياللى انتوا فاكرين هاتاخدوا الدنيا وحديكوا

الدنيا واخداكوا مش انتوا اللى خدتوها

****

يا حي فوق كل حي وبعد كل حياه

قادر تصبر جريح الروح علي بلاوه

مش باقي في القلب اهه

ولا باقي في العين دموع

الموجه بلغت مداها

وتاه طريق الرجوع

بحسي الاخرس بانوح

وارعش قلوع المراكب

كله في طريقه مروح

ذي الطيور في المغارب

كلمات سيد حجاب