الأم الوتد

في ناس بتمشي على الطريق واما الـ،تعب بيحل
يقفوا اللي تعبوا ويختفوا من شمسهم في الضل

وهي ام وماشية مـــا بتكل
لا عمرها بتشكي ولا بتمل

ماشية في عز الشمس ..في حضنها ولادها
فــي طريــق طويـــــل ..فيـه الضعيـف بيضــل


هو اللى ساق في الخلا
زى القمر ما بيعشق الليل الطويل
زى الهوا
ما بيهوى ينساب في الخلا

هى بتعشق تبقى ام
ومستحيل يتغير العشق اللى جوة قلبها



عاشت سنين
كانت وتد
والظهر مفرود للعلا
ولا انحنى
متكسرتش من الزمن
متاثرتش من الهدد

والمطحنة
ومهما تتخبط مع العايشين
حافظت على الهيبة في زمن بيذل



ولسة فوق نفس الطريق بتمد و تخطى
و كل من له فيها شئ بحنانها متغطى
مهما السنين عدت هوا و شابت..

 لساها جوه الارض عود ثابت
مرفوعة راسها لفوق..ولا عمرها توطى


ولسة فوق نفس الطريق بتمد و تخطى
و كل من له فيها شئ بحنانها متغطى
مابينتهيش دورها مابينطفيش نورها
و مهما تقوى الريح

 و مهما تقوى الريح مش سهل تكسرها
مادام عفية و قادرة ع الايام هتمشى مشوارها
 
كلمات:ايمن بهجت قمر